Хезболах денес соопшти дека неговите борци извршиле напад со дрон врз командна база на израелската војска во Северен Израел.
Групата наведе дека цел на ескадрилата дронови бил штабот на крајбрежниот баталјон на израелската војска на новоформираната Западна бригада во Лиман.
Во нападот, одговор на израелската агресија и убивањата во градовите Хануије и Накура, има жртви меѓу израелските офицери и војници, се додава во соопштението на Хезболах.
Се зголемуваат стравувањата за целосна војна меѓу Израел и либанската група Хезболах во период на повеќемесечната размена на прекуграничен оган и заканите на Хезболах за воена одмазда по атентатот на неговиот врховен командант Фуад Шукр во израелскиот воздушен напад во Бејрут на 30 јули.
Ескалацијата доаѓа во заднина на израелската офанзива врз Појасот Газа во која од октомври минатата година досега загинаа речиси 40.000 луѓе.
