Хамза Јусуф поднесе оставка од функцијата прв министер на Шкотска, велејќи дека не е подготвен да тргува со своите принципи во замена за изгласување доверба.
Овој потег го презеде пред да се одржат две рунди гласања за доверба на неговиот кабинет, а кои Јусуф би можел да ги загуби и беа повикани од опозицијата откако минатата недела стави крај на договорот за поделба на власта меѓу неговата Шкотска национална партија (СНП) и Шкотските Зелени. Договорот Буте Хаус беше посредуван од Никола Старџен во 2021 година.
Јусуф рече дека по неколку денови на размислување, заклучил дека „поправањето на односите меѓу коалициските партнери може да го направи друг лидер“. Тој инаку е роден во Глазгов, а неговиот татко емигрирал од Пакистан.
„Затоа, го информирав националниот секретар на СНП за мојата намера да се откажам од функцијата лидер на партијата и да побарам таа да започне лидерски натпревар што е можно поскоро“, додаде тој.
„За една малцинска влада да може ефективно и ефикасно да владее, довербата кога работи со опозицијата е јасно фундаментална“, рече тој.
„И додека патот низ овонеделното барање за недоверба беше апсолутно возможен, јас не сум подготвен да ги третирам моите вредности и принципи или да правам договори со никого едноставно заради задржување на власта“.
