Граѓаните кои живеат во малата европска земја Луксембург имаат бесплатен јавен превоз веќе три години.
Како што пишува Еуроњуз, не е чудно што на тригодишнината од очигледно многу скапата јавна иницијатива, речиси сите што користат трамваи, автобуси и возови во малата земја на ЕУ велат дека се задоволни.
„Бидејќи е бесплатно, полесно е да се донесе брза одлука, да се избере помеѓу јавен или приватен превоз. Тоа значи дека е многу позитивно за животната средина и практично“, вели човек кој чека трамвај во градот Луксембург.
Тоа што си богат и имаш мала популација помага, се разбира. Земјата има само околу 640.000 граѓани и секој од нив, во однос на БДП по глава на жител, вреди околу 99.900 евра годишно според најновите податоци на Светска банка во 2021 година. Споредете го ова со просекот на секој граѓанин во соседна Франција со само 35.200 евра годишно.
Како што можеби претпоставувате, бесплатниот превоз има своја цена па така тој всушност се финансира од парите на даночните обврзници, но тоа се прави поправедно, објаснува министерот за мобилност и јавни работи.
Има повеќе правичност во ова бидејќи оние кои плаќаат мал данок не плаќаат ништо или многу малку во овој систем, и тој навистина е бесплатен. А оние кои плаќаат повисоки даноци, очигледно, за нив цената што се вложува во системот е повисока“, вели Франсоа Бауш.
Луксембург исто така го промовира транспортот како начин за борба против загадувањето и климатските промени со тоа што ќе ги натера луѓето да се префрлат од автомобили на возови и автобуси.
Но, засега, автомобилите се уште се прва опција иако некои Луксембуржани веќе го гледаат бесплатниот превоз како нивно право, а не како подарок од владата.
„Ова им овозможува на сите жители на пограничните области, особено на оние од Белгија, Германија и Франција, лесно да патуваат. И тоа е исто така добра форма на слобода. Ова не е случај во Франција. Има помалку контролори, помалку мака“, рече уште еден задоволен корисник на трамвајот.
