Генералниот секретар на ОН Антонио Гутереш во четвртокот го поздрави договорот постигнат од страните за продолжување на иницијативата за извоз на жито од Црното Море.
„Го поздравувам договорот на сите страни за продолжување на Црноморската иницијатива за жито за олеснување на безбедната пловидба на извозот на жито, прехранбени производи и ѓубрива од Украина“, напиша Гутереш во твитот.
„Иницијативата ја покажува важноста на дискретната дипломатија во изнаоѓањето мултилатерални решенија“, додаде тој.
„Сакам да изразам длабока благодарност до Ердоган и Туркије. Без нивната великодушност и посветеност, оваа иницијатива никогаш немаше да се роди. Истанбул останува центар на извонредно дипломатско достигнување.“, напиша Гутереш.
На 22 јули, Туркије, ОН, Русија и Украина потпишаа договор во Истанбул за обновување на извозот на жито од три украински пристаништа на Црното Море, кои беа запрени во февруари поради војната на Русија против Украина.
Страните преговараа за евентуално продолжување и проширување надвор од крајниот рок од 19 ноември. Според ОН, од 1 август од Украина се извезени повеќе од 10 милиони тони жито.
