Турските безбедносни сили неутрализираа пет терористи на ПКК/ЈПГ во северна Сирија, соопшти денеска турското Министерство за национална одбрана.
Терористите се подготвувале за напад во регионите на „Штитот на Еуфрат“ и „Извор на мирот“, соопшти Министерството на Х, додавајќи дека „никаде не е безбедно за терористите“.
Од 2016 година, Анкара започна три успешни антитерористички операции преку својата граница во северна Сирија за да спречи формирање на терористички коридор и да овозможи мирно враќање на жителите: „Штитот на Еуфрат“ (2016), „Маслинова гранка“ (2018) и „Извор на мирот“ (2019).
Во својата над 35-годишна терористичка кампања против Туркије, ПКК, која е ставена на листата на терористички организации од страна на Туркије, САД и ЕУ, е одговорна за смртта на повеќе од 40.000 луѓе, вклучително и бебиња, деца и жени. ЈПГ е нејзин сириски огранок.