Најмалку 27 лица загинаа, а четири се водат како исчезнати откако ураганот Отис го погоди Гереро, крајбрежна држава во источно Мексико.
Преживеаните стануваат очајни поради бавната реакција на владата и се загрижени дека фокусот ќе остане на поправка на инфраструктурата, наместо да им се помага на оние на кои им е најпотребна.
Секретарот за безбедност и цивилна заштита Роса Ичела Родригез претходно изјави дека меѓународните метеоролози не предвиделе како ќе се развива бурата, а она што се случи во вторникот е „нетипично“ и „неверојатно сценарио“.
За 24 часа, Отис прерасна од тропска бура во ураган од петта категорија.
Ветерот сериозно ја оштети инфраструктурата, оставајќи делови од населението без комуникација и услуги.
Претседателот на Мексико, Андрес Мануел Лопез Обрадор, во средата вечер во итно отпатува од главниот град во Акапулко, познатото одморалиште кое беше тешко погодено од ураганот.
Лопез Обрадор рече дека 80 отсто од хотелите во Акапулко биле погодени. Ураганот предизвика затворање на патишта, вклучувајќи го и автопатот меѓу Мексико Сити и Акапулко, најпрометниот во земјата.
Повеќе од половина милион луѓе останаа без струја.
Повеќе од 10.000 војници на Националната гарда се распоредени да им помогнат на жртвите.
