Генералниот секретар на Хезболах Хасан Насрала во средата изјави дека убиството на заменик-шефот на Хамас, Салех ал-Арури нема да помине неказнето.
Арури беше убиен во напад на израелско беспилотно летало врз канцеларија во Бејрут во вторникот вечерта, објавија либанските медиуми.
„Она што се случи вчера и убиството на Арури e многу опасно“, рече Насрала во средата навечер, додавајќи дека овој напад е прв од 2006 година.
Насралах рече дека убиството на Арури „е обид на Израел да создаде слика на победа откако не ги оствари своите цели во Газа“.
Ал-Арури е највисоко позициониран лидер на Хамас што Израел го убил од 7 октомври, кога избувнаа судирите во Газа.
Тензиите се разгореа покрај границата меѓу Либан и Израел во време на повремена размена на оган меѓу израелските сили и Хезболах.
