На семејството Мааруф, кое живее во шаторскиот град на Рафа, откако го напуштија својот дом во Газа на почетокот на израелското смртоносно бомбардирање пред речиси три месеци, сега домот му е мал логорски оган околу кој седат секоја вечер.
Залихите на дрва, собрани од урнатите згради, беа исцрпени одамна во опустошената палестинска енклава, а малите пожари на раселените, сиромашни луѓе сега се одржуваат со парчиња ткаенина или пластика.
„Нема безбедност. Исплашени сме, се колнам. Моите деца се исплашени и ми велат: „Тато, ние сме на отворено“. Им велам „Бог нека ни е на помош, каде можеме да одиме?“, рече Шади Мааруф, со лицето осветлено од огнената светлина.
Речиси сите 2,3 милиони луѓе во Газа ги загубија своите домови, и беа протерани од разорното бомбардирање и копнената офанзива што Израел ја започна откако борците на Хамас извршија прекуграничен напад на 7 октомври.
Повеќе од 22.000 Палестинци се убиени во израелските бомбардирања, соопштија здравствените власти во Газа.
Населението на малата крајбрежна територија сега живее во заеднички засолништа во училиштата на ОН или во импровизирани кампови околу улиците на Рафах, во близина на јужната граница на Газа со Египет.
„Овој живот во Рафа е трагедија“
Семејството Мааруф од Беит Лахија, побегнале на првиот ден од војната. Тие побарале засолниште во друг северен кварт, но било небезбедно и продолжиле понатаму.
Тие еден месец останале во Ал Нусејрат во центарот на Газа, но воздушните напади биле многу чести, и потоа се преселиле на југ, во Рафа, веднаш на границата со Египет.
Семејството сега седи околу камперскиот оган пред нивниот шатор направен од парчиња дрво и церада. Го држат своето четиримесечно бебе и си играат со него и ги загреваат рацете на пламенот.
Во текот на ноќта градот- шатор е град на духови. Електричната енергија во Газа беше исклучена уште на почетокот на војната, откако Израел го прекина снабдувањето со електрична енергија и горивото за генераторите. Останува само сончевата енергија. Повремено шаторите се осветлени одвнатре со батериска ламба, а нивната пластична обвивка слабо свети во ноќта.
Шади Мааруф, неговата сопруга Сафеја и нивните шест деца се собираат за да се загреат од студот. „Овој живот во Рафа е трагедија“, рече Мааруф. „Спиеме во страв“, вели Сафеја Мааруф, која се бори да најде пелени и детска формула за својата ќерка.
„Што да правиме? Нема засолниште. Тешки се животот и условите, и за нас и за сите други. Сите луѓе страдаат, сите имаат болка. Нема бањи, нема вода, нема топлина, нема безбедност. Спиеме во страв“, рече таа.
