Калифорниската компанија Опен АИ им овозможи на корисниците ширум светот пристап до алатката Сора (Sora) која го претвора текстот во видеа, но набргу потоа беше принудена привремено да ги прекине новите регистрации поради огромниот интерес на клиентите.
„Развивме нова верзија на Сора- Сора Турбо, која е значително побрза од моделот што го претставивме во февруари. Денеска го објавуваме како независен производ на веб-страницата Сора.ком (Sora.com) за корисниците на ЧетГПТ Плус и Про пакетот, се вели во соопштението на компанијата.
Корисниците на пакетот Чет Зи-Пи-Ти Плус (Chat Zhi-Pi-Ti Plus) можат да креираат до 50 видеа месечно во резолуција од 720 пиксели, а клиентите кои имаат претплата на Чет Зи-Пи-Ти Про (Chat Zhi-Pi-Ti Pro) имаат право да создаваат неограничени снимки со резолуција од 1080 пиксели.
„Сора е способна да генерира сложени сцени со повеќе ликови, специфични типови на движења и точни детали за темата и заднината. Моделот разбира не само што барал корисникот, туку и како постојат работите во физичкиот свет“, се вели на веб-страницата Oпен АИ.
Принципот е прилично едноставен за корисниците, кои треба само да напишат „скрипта“ (т.н. „промпт“) и да ја остават Сора да работи, за да може технологијата да замени некои аниматори со послаб квалитет, но и да помогне при снимање филм.
Достапноста на алатката Сора во Европската унија, Швајцарија и Велика Британија во моментов е суспендирана поради строгите правила за заштита на податоците и регулативата за вештачка интелигенција (ВИ).
Компанијата одлучи да се збогува со 2024 година со настан наречен „12 дена отворена вештачка интелигенција“, при што новитетите и плановите на компанијата за иднината ќе бидат презентирани секој ден до 23 декември, пренесува Тех Кранч.
