Турскиот претседател Реџеп Таип Ердоган денеска изјави дека Туркије ќе дејствува заедно со Египет против присилното раселување на жителите на Газа од нивните територии.
Нарекувајќи ги неговите неодамнешни посети на ОАЕ и Египет многу успешни, тој ја истакна потребата од зближување на редовите за да се запре крвопролевањето во Газа.
„Со шефовите на држави детално разговаравме не само за трговијата и инвестициите, туку и за палестинското прашање. Решивме да ја зајакнеме нашата соработка со двете земји“, рече тој.
Истакнувајќи дека Туркије испраќа хуманитарна помош за жителите на Газа од седми октомври, Ердоган рече дека Анкара секогаш координирала со египетските власти за испорака на хуманитарна помош во Газа.
За време на Рамазан, рече тој, Туркије има братска одговорност да подаде повеќе раце за помош кон Газа.
„Израел го принудува народот на Газа да се предаде преку глад, нашата цел е да постигнеме итен прекин на огнот и да обезбедиме непрекината хуманитарна помош за Газа“, рече Ердоган.
За да го направиме векот на Туркије век на мирот, нема друг избор освен да ги подобриме односите со нашите пријателски и братски земји, додаде турскиот претседател.
Ердоган рече дека единствената цел на Туркије во надворешната политика е да го зголеми бројот на пријатели.
„Ние сме должни да се обединиме со братските земји ако сакаме да ги спречиме игрите на империјалистичките сили во нашиот регион. Наместо да заглавуваме во различни мислења, мора да се фокусираме на областите на соработка. Сите сме свесни за оваа вистина, нема милост без единство, рече турскиот претседател.
