Еден либански цивил е убиен во израелски воздушен напад во јужен Либан, јавуваат локалните медиуми.
Израелско беспилотно летало погоди куќа во градот Ал-Кијам, при што загина цивил, објави државната Национална новинска агенција.
Израелски напад бил забележан и во градот Марвахин. Се уште нема извештаи за жртви.
Тензиите ескалираа долж границата меѓу Либан и Израел во услови на наизменична размена на оган меѓу израелските сили и Хезболах од почетокот на октомври, во најсмртоносните судири откако двете страни водеа целосна војна во 2006 година.
Пограничната тензија доаѓа во време на израелска воена офанзива во Појасот Газа од 7 октомври, во која оттогаш загинаа најмалку 27.708 луѓе, а беа повредени 67.174 други.
AA
