Јосеп Борел шефот за надворешна политика на ЕУ ја истакна потребата од итен прекин на огнот во Газа бидејќи на северот на Газа владее „целосен глад“.
„Се оствари многу стравуваното сценарио на шефот на Светската програма за храна, Синди Мекејн, на северот на Газа владее целосен глад, кој се движи кон југ“, рече Јосеп Борел на мрежата X.
„Мора да се слушаат досега нечуените барања од меѓународната заедница: Резолуцијата 2728 мора да се спроведе целосно и веднаш“, повика Борел.
„Итен прекин на огнот, за да дојде до ослободување на заложниците и да се донесе хуманитарна помош за оние кои гладуваат“.
Тој, исто така, го осуди налетот на ракети на Хамас и Исламски џихад истрелан кон областа Керем Шалом.
„Израел сè уште има севкупна обврска да одобри целосен, безбеден, брз и непречен пристап до хуманитарна помош во обем за оние на кои им е потребна“, рече тој, пофалувајќи ја „незаменливата работа“ на УНРВА и другите агенции на ОН.
Израелската војска побара од луѓето да се евакуираат од Рафа, пред очекуваната офанзива, каде што се засолнети повеќе од 1,4 милиони луѓе.