Најмалку двајца Палестинци загинаа, а четворица се повредени кога израелската армија отворила оган пред итната помош на болницата во градот Џенин, на северот од окупираниот Западен Брег.
Претставник од државната болница Џенин изјави дека израелските војници пукале врз група Палестинци пред Итната медицинска помош на болницата „Халил Сулејман“ во Џенин.
Официјалниот претставник изјави дека двајца Палестинци загинале, а четворица се повредени.
Очевидци изјавија дека израелската војска во придружба на булдожери утрото го нападнала бегалскиот град Џенин и почнала да ја уништува инфраструктурата со булдожери.
Тие наведоа и дека имало вооружени судири меѓу Палестинците и израелската армија и дека одвреме навреме се слушаат експлозии.
Според очевидците, Израелците се повлекле од бегалскиот камп по рацијата, која траела околу пет часа.
Локалните извори соопштија дека израелските сили, придружувани од воени булдожери, извршиле рација и во бегалскиот камп Балата во источен Наблус и населбата Ал-Хашшашин во кампот.
Изворите навеле дека дошло до вооружен конфликт меѓу израелските сили и Палестинците, но не дадоа информации дали во конфликтот има загинати или повредени.
Во нападите на израелските сили и илегалните еврејски доселеници на окупираниот Западен Брег и Источен Ерусалим( Ал-Кудс) од 7 октомври 2023 година, загинаа 432 Палестинци, а околу 4.700 беа повредени.
