Израелската армија рано во вторник уби тројца Палестинци, вклучително и една жена, за време на рации низ окупираниот Западен Брег.
Во соопштението, палестинското Министерство за здравство соопшти дека двајца Палестинци загинале во израелски оган во градот Саир, а една жена е убиена во градот Тулкарем.
Официјалната палестинска новинска агенција „Вафа“ цитира локални извори дека израелската армија извршила рација во градот Саир и отворила оган врз Палестинците, при што биле убиени двајца Палестинци.
Израелските сили упаднаа во неколку домови во Саир при што војниците жестоко ги испрашуваа луѓето и ги напаѓаа.
Тензиите се зголемени низ окупираниот Западен Брег поради смртоносната израелска офанзива во која загинаа над 39.000 луѓе во Појасот Газа по 7 октомври 2023 година.
Најмалку 581 Палестинец оттогаш се убиени, а речиси 5.400 други се повредени во оган на израелската армија на окупираниот Западен Брег, според податоци Министерството за здравство.
Меѓународниот суд на правдата, во советодавното мислење во петокот, ја прогласи повеќедецениската окупација на Палестина од страна на Израел за „незаконска“ и рече дека треба да се стави крај „што е можно побрзо“.