Израелските медиуми во вторникот цитираа израелски воени извори кои велат дека армијата е подготвена да го нападне Рафах во јужниот дел на Појасот Газа за 72 часа доколку не се постигне договор за прекин на огнот.
Египет е домаќин на опсежни преговори со делегации од Израел и Хамас со цел да се постигне прекин на огнот во Газа.
Израелската новинска веб-страница Ј нет објави дека началникот на Генералштабот на израелската армија Херзи Халеви ги одобрил конечните планови за воена офанзива во Рафах заедно со планот за движење на цивилите кон областите во централниот дел на Појасот Газа.
Веб-страницата за вести цитира неименуван извор, кој рече дека тенковите и војниците на израелската армија се подготвени за зелено светло за започнување на офанзивата.
Се додава дека следните 48 до 72 часа се критични во однос на постигнување договор со групата Хамас или започнување на нападот на Рафах.
Во понеделникот, израелските медиуми објавија дека израелска делегација треба да отпатува во Египет за да се сретне со египетските безбедносни претставници за напорите за прекин на огнот во Газа.
И Египет во понеделникот потврди дека има нов предлог за примирје во блокираниот Појас Газа.
Рафах е последната преостаната област во енклавата каде Израел сè уште официјално не објавил влез на своите војници за да го продолжат нападот против Палестинците.
Се проценува дека Хамас држи повеќе од 130 израелски заложници, додека Тел Авив држи над 9.100 Палестинци во своите затвори.
Хамас бара прекин на смртоносната офанзива на Израел на Појасот Газа и повлекување на израелските сили од територијата за каков било договор за размена на заложници и затвореници со Тел Авив.
Претходниот договор во ноември 2023 година беше со ослободување на 81 Израелец и 24 странци во замена за 240 Палестинци, вклучувајќи 71 жена и 169 деца.
Израел спроведе брутална офанзива врз Газа по прекуграничниот напад на палестинската група Хамас на 7 октомври минатата година, во кој Тел Авив вели дека убиле речиси 1.200 луѓе.
Оттогаш се убиени речиси 34.500 Палестинци, главно жени и деца, а над 77.600 други се повредени во услови на масовно уништување и сериозен недостиг на неопходни работи.
Израел е обвинет за геноцид пред Меѓународниот суд на правдата. Привремената пресуда во јануари му нареди на Тел Авив да ги запре геноцидните дејствија и да преземе мерки за да гарантира дека се обезбедува хуманитарна помош за цивилите во Газа.
