Палестинската група на отпорот Хамас во понеделникот објави дека истрела салва ракети кон најголемиот израелски град Тел Авив, на првата годишнина од израелската геноцидна војна во Појасот Газа.
Военото крило на Хамас, Бригадите Ал-Касам, соопшти дека ракетниот напад бил одговор на „израелските масакри на цивили и намерното раселување на палестинскиот народ“.
Израелската војска потврди дека пет проектили биле истрелани од Кан Јунис во јужниот дел на Појасот Газа кон централен Израел.
Сирените се огласија во Тел Авив и околните градови поради ракетниот напад.
Израелската национална служба за итни случаи, Давидова Црвена звезда, соопшти дека две жени биле полесно повредени во нападот.
Ракетниот напад дојде додека Израел ја продолжи својата брутална офанзива на Појасот Газа, и покрај резолуцијата на Советот за безбедност на Обединетите нации која повикува на итен прекин на огнот.
Оттогаш, според локалните здравствени власти, речиси 42.000 луѓе, главно жени и деца, се убиени, а повеќе од 97.100 се ранети.
Израел се соочува со обвинение за геноцид пред Меѓународниот суд на правдата поради нападот во Газа.
