Коментирајќи ја одлуката на Меѓународниот суд на правдата (МСП) за обвинението за геноцид од страна на Јужноафриканската Република против Израел, израелскиот премиер Бенјамин Нетанјаху ја потврди „светата посветеност“ да продолжи да ги брани својaта земјата и неговиот народ.
„Посветеноста на Израел кон меѓународното право е непоколеблива. Таква е и нашата света заложба да продолжиме да ја браниме нашата земја и да го браниме нашиот народ“, рече Нетанјаху во телевизиско обраќање откако МСП му нареди на Израел да ги преземе „сите мерки во негова моќ“ за да спречи дејствија на геноцид во Појасот Газа, каде што Тел Авив уби повеќе од 26.000 луѓе и ја претвори енклавата во урнатини.
Нетанјаху рече дека Израел има „вродено право да се брани“, додавајќи дека „гнасниот обид да му се ускрати на Израел ова основно право е бесрамна дискриминација на еврејската држава и со право е отфрлен“.
Тој рече дека обвинението за геноцид против Израел е „лажно“ и „безобразно“, повторувајќи дека „Израел ќе продолжи да се брани од Хамас“.
Тој рече дека војната, која започна по прекуграничен напад на Хамас на 7 октомври, е против групата, а не против палестинските цивили.
„Ќе продолжиме да обезбедуваме хуманитарна помош и ќе правиме се што е во наша моќ за да ги задржиме цивилите од опасност, иако Хамас ги користи како жив штит“, рече Нетанјаху, додавајќи:
„Ние ќе продолжиме да го правиме она што е потребно за да ја одбраниме нашата земја и нашиот народ“.
