Сите земји кои ги снабдуваат со оружје завојуваните страни имаат „морална одговорност“ да се осигураат дека тоа не се користи во кршење на меѓународното право“, рече портпаролот на ОН Стефан Дужарик одговарајќи на новинарски прашања на денешната прес - конференција.
Запрашан за реакцијата на генералниот секретар на ОН Антонио Гутереш на заедничкото писмо предводено од Туркије во ОН заедно со 52 земји и две меѓународни организации кои повикуваат на прекин на испораката на оружје за Израел, Дужарик истакна “Останува на земјите-членки да дејствуваат. "
На 1 ноември, Туркије, заедно со 52 други потписнички, испрати заедничко писмо до Советот за безбедност на ОН, во кое повикува на итна акција за запирање на протокот на оружје и муниција во Израел.
Запрашан за писмото на Израел до претседателот на Генералното собрание на ОН Филемон Јанг за неговата одлука да се повлече од договорот во врска со УНРВА, Дужарик потврди дека ставот на ОН е „непроменет“.
Истакнувајќи ја континуираната поддршка на Гутереш за „суштинската“ работа на УНРВА, Дужарик рече дека нема алтернатива за УНРВА.
Дужарик потсети дека областа на работа на УНРВА не е само хуманитарна, туку и образовна и здравствена.
На 28 октомври, 92 членови на 120-члениот израелски Кнесет, или парламент, гласаа за забрана на активностите на УНРВА на окупираните палестински територии, потег што беше широко осуден ширум светот, вклучително и од европските и западните земји и меѓународните организации.
Израел ги обвини вработените во УНРВА за соучесништво во минатогодишниот напад на Хамас, тврдејќи дека образовните програми на агенцијата „промовираат тероризам и омраза“.
УНРВА, со седиште во населбата Шеик Џара во источен Ерусалим, ги негира обвинувањата и тврди дека останува неутрална, фокусирајќи се само на поддршката на бегалците.
Израел продолжи со разорната офанзива врз Газа од нападот на Хамас на 7 октомври 2023 година, и покрај резолуцијата на Советот за безбедност на ОН со која се бара итен прекин на огнот.
Според локалните здравствени власти, оттогаш се убиени речиси 43.400 луѓе, главно жени и деца, а над 102.000 други се повредени.
