Повеќе од 10.000 лица во САД починале во оружено насилство заклучно со 28 март, се вели во соопштението на Архивот за оружено насилство. Според непрофитната истражувачка група, оваа година досега имало 130 масовни престрелки.
Тракерот покажува дека бројот на луѓе кои извршиле самоубиство со огнено оружје од почетокот на годината достигнал 5.742, додека 4.266 други загинале во убиства, случајни истрели и одбранбена употреба на пиштол. Повеќе од 7.500 луѓе се повредени.
Што се однесува до малолетниците, 59 деца на возраст до 11 години загинале во инциденти и 347 на возраст од 12 до 17 години, покажува тракерот.
Државата Тенеси во понеделникот беше на насловните страници поради масовното пукање во училиште во Нешвил, каде што беа убиени три деца и тројца возрасни во училиштето Ковенант, приватно христијанско основно училиште.
Тешко вооружениот напаѓач, 28-годишната Одри Хејл, поранешна ученичка на училиштето која се идентификувала како трансродова личност, била убиена за време на престрелката со петчлената полициска екипа, велат властите.
Претседателот Џо Бајден изјави дека Конгресот мора да дејствува.
„Го искористив целосниот обем на моето извршно овластување, за да правам сам што било во врска со оружјето. Мнозинството од американскиот народ мисли дека поседувањето јуришно оружје е бизарно и луда идеја. Тие се против тоа“, рече Бајден.
Полицијата во Нешвил работи на утврдување на мотивот на напаѓачот за убиствата.
