Претседателот на Србија Александар во Атина се сретна со претседателот на Украина Володимир Зеленски, пред синоќешната неформална вечера организирана од грчкиот премиер Киријакос Мицотакис за лидерите од Западен Балкан и претставниците на Европската унија.
Како што беше соопштено на официјалниот профил на Вучиќ на социјалните мрежи, разговорот беше добар и отворен за сите важни прашања, како за Србија и Украина, така и за регионот и за целиот свет.
Двајцата претседатели се осврнаа, како што изјави Вучиќ, на настаните во Украина и Косово.
„Уште еднаш укажав дека Србија го почитува територијалниот интегритет на Украина, што јасно и недвосмислено го кажуваме од почетокот на конфликтот“, рече Вучиќ.
TRT Balkan / агенции
