Претседателот на Истанбулскиот клуб за трки со јахти на отворено, Екрем Јемлихаоглу, изјави дека се подготвуваат за Претседателската меѓународна трка со јахти што ќе се одржи од 25 јули до 30 октомври во Истанбул.
Јемлихаоглу во изјавата за агенцијата Анадолу (АА) пред традиционалната активност рече дека датумите на натпреварите веќе се приближуваат и дека годинава ќе се одржат во две етапи.
„Првата етапа од трките во Мугла ќе се одржи од 25 до 30 јули помеѓу Бодрум и Мармарис. Во меѓувреме, втората етапа, како и секогаш, ќе се одржи на 29 октомври во Истанбулскиот Теснец“, рече тој, додавајќи дека со текот на годините организацијата се претворила во традиционална и развиена активност.
Тој нагласи дека секоја година се зголемува учеството на натпреварите, а годинава на етапата во Мугла ќе се натпреваруваат 50 екипи со над 400 спортисти што доаѓаат од 12 до 14 земји.
„Ќе биде многу тешка етапа“, рече Јемлихаоглу, посакувајќи им успех на спортистите што ќе се натпреваруваат на топлото време.
Јемлихаоглу нагласи дека организациите што ги прават дале голем придонес за едриличарскиот спорт во Туркије.
„Придонесуваме за развојот на едрењето во спортска смисла со тоа што се наоѓаме на агендата на спортските медиуми и се трудиме да извршиме навистина голема задача за промоција на нашата небесна татковина. Покрај тоа, се ставивме во многу почитувана и престижна позиција на меѓународно ниво. Горди сме, да, тоа е заморно, но резултатите се многу позитивни“, додаде Јемлихаоглу.
Јемлихаоглу истакна дека Туркије е подготвена да ги достигне најдобрите земји во едрење.
Осврнувајќи се на фактот дека Туркије има многу сериозни тимови што се натпреваруваат во странство, Јемлихаоглу рече:
„Мислам дека ќе ги достигнеме земјите на европско или американско ниво во однос на квалитетот на спортистите во Туркије. Бројот на спортисти со таков квалитет на борбена моќ и дисциплина од ден на ден се зголемува. Многу сме горди на нашите браќа. Даваме сѐ од себе да ги задржиме на агендата колку што можеме, да им дадеме сила и поддршка“, нагласи тој.
Објаснувајќи дека нивниот организациски капацитет е значително зголемен и дека добиле важни понуди за соработка од странство, Јемлихаоглу додаде: „Искрено, има многу понуди од странство за соработка за овој натпревар.“
Јемлихаоглу рече дека гостите што дојдоа во Туркије на едрење биле изненадени од стандардите на земјата. Тој рече дека спортот едрење влијае и врз повеќе сектори, како морнарицата, и бродоградбата.
„Нашите гости од странство се навистина изненадени од убавините на Туркије и нејзиниот капацитет за овој бизнис. Нашите стандарди секако се над многу земји во светот. Овој спорт влијае и врз пристаништата, производството и одржувањето на бродови и ние сме над многу земји во овие области. Многу сме среќни што ова се покажа“, додаде тој.
