Бројот на луѓе кои користат тутунски производи, кои се главната причина за респираторни заболувања, како и кардиоваскуларни заболувања, падна од 1,26 милијарди во 2020 година на 1,24 милијарди во 2022 година, според податоците на Светската здравствена организација (СЗО).
На иницијатива на агенцијата на ОН, 9 февруари секоја година се одбележува како Светски ден за стопирање на пушењето за да помогне да се спречи штетата од пушењето, да се намали неговата употреба и да се подигне општествената свест.
Додека приближно 1,26 милијарди луѓе ширум светот користеле тутунски производи во 2020 година, до 2022 година овој број падна на 1,24 милијарди.
Извештајот на СЗО предвидува натамошен пад на потрошувачите на тутун, проектирајќи дека бројот на луѓе кои користат тутунски производи ширум светот ќе се намали на 1,22 милијарди во 2025 година.
Меѓу регионите во светот, СЗО откри дека Југоисточна Азија е област со најголема потрошувачка на тутун во 2022 година.
Околу 411 милиони луѓе користат тутунски производи во Југоисточна Азија, потоа Западен Пацифик со 370 милиони, Европа со 179 милиони, Америка со 133 милиони, Источен Медитеран со 92 милиони и Африка со 60 милиони.
Туркије е во европскиот регион. Нејзината стапка на пушење меѓу возрасните е над 30 проценти, според СЗО, ставајќи ја во највисоката категорија за Европа, заедно со 15 други европски земји.
8 милиони умираат секоја година
Околу 224 милиони од приближно 1,24 милијарди луѓе во светот кои конзумирале тутунски производи во 2022 година биле жени.
Тутунските производи кои предизвикуваат голема зависност предизвикуваат респираторни заболувања, како и кардиоваскуларни.
Според СЗО, повеќе од 8 милиони луѓе годишно умираат поради консумирање тутун.
Луѓето кои не користат тутунски производи се исто така погодени од чадот од цигарите во нивната околина.
Особено чадот од цигарите што се вдишува за време на бременоста може да влијае на здравјето на детето доживотно по раѓањето.
Закана од следната генерација: електронски цигари
Иако бројот на луѓе кои консумираат тутунски производи се намалува, употребата на електронски цигари, кои се поделени на никотински и неникотински, станува сѐ пораспространета во светот.
Со овие уреди, потрошувачите вдишуваат чад формиран како резултат на загревање на течноста.
Закана за здравјето на луѓето претставуваат и електронските цигари, кои неодамна додадоа различни вкусови, за кои експертите предупредуваат дека може да се користат за привлекување помлади потрошувачи.
Овие производи ги привлекуваат младите преку додавање на вкусови при вдишување. Компаниите исто така го користат ова како продажна стратегија.
Продавачите на електронски цигари, дополнително подигајќи го интересот на младите на социјалните мрежи, на овие производи им даваат изглед на играчки.
Според податоците на СЗО, во 88 земји нема минимална законска возраст за продажба на електронски цигари.
Во 74 земји не постојат законски регулативи за овие штетни производи.
Потрошувачката на овие уреди, кои нудат околу 16.000 вкусови, рапидно се зголемува кај децата и младите.
