Во израелските напади врз Појасот Газа во просек се убиени по четири деца секој час.
Палестинското Централно биро за статистика, поврзано со палестинските власти, објави извештај за децата во Газа пред „5 април- Денот на палестинските деца“.
Според извештајот, во Појасот Газа од 7 октомври минатата година се убиени 14.350 деца.
Тие наведоа дека децата сочинуваат 44 отсто од загинатите во израелските напади врз Газа.
Врз основа на овие податоци, може да се заклучи дека Израел убива во просек по четири деца на секој час во Појасот Газа.
Во Појасот Газа 7.000 жени и деца се заробени под урнатините и се уште се водат како исчезнати. Тоа одговара на 70 отсто од вкупниот број жртви во Газа.
Израелските сили продолжуваат со рациите и убивањето на Палестинците и на Западниот Брег, каде од 7 октомври досега убиле повеќе од 455 Палестинци, од кои 117 деца, а повредиле 4.700 Палестинци, меѓу кои 724 деца.
Покрај тоа, 1.620 Палестинци, меѓу кои 710 деца, се насилно раселени на Западниот Брег од почетокот на 2023 година, а приведени се 1.085 малолетници, од кои 500 се приведени од 7 октомври.
Според Детскиот фонд на Обединетите нации (УНИЦЕФ), приближно 17.000 деца изгубиле еден или двајцата родители во Газа од 7 октомври.
Според последните податоци на палестинското Министерство за здравство во Газа, од 7 октомври досега во израелските напади врз Појасот Газа загинале 33.037 Палестинци, а 75.668 се повредени.
