Израелската армија денеска изрече официјална опомена за својот бригаден генерал Барак Хирам за кревање во воздух на Универзитетот Ал-Исра во северниот дел на Појасот Газа без претходно одобрение од неговите претпоставени.
По наредба на Хирам, израелските сили на 18 јануари го разнесоа Универзитетот Ал-Исра, кој го користеа како воен штаб пред неговото уривање.
“Генерал-мајор Јарон Финкелман, командант на јужниот регион на израелската армија, спроведе темелна истрага и ги претстави наодите на началникот на израелскиот Генералштаб Херзи Халеви”, се вели во соопштението на израелската армија во понеделникот.
Во соопштението се наведува дека Хамас ја користел зградата на универзитетот и неговата околина за да ги нападне израелските сили, а уривањето се сметало за незаконско без потребните дозволи.
Тајмс оф Израел денеска објави дека Хирам на 7 октомври наредил напад со тенк врз куќа во населбата Беер, што веројатно резултирало со смрт на некои израелски заложници.
На 1 февруари, Хаарец објави дека израелските команданти им наредиле на војниците да палат куќи во Газа без законско овластување.
Владината прес-служба во Газа на 7 февруари објави дека израелските сили запалиле 3.000 домови.
