Властите на Катар денеска соопштија дека индиректните преговори меѓу палестинското движење Хамас и Израел се уште траат на ниво на технички тимови.
„Продолжуваме со нашите напори за посредување со нашите партнери“, изјави портпаролот на катарското Министерство за надворешни работи, Маџед Ал-Ансари на прес-конференција во Доха.
Тој додаде дека на терен има потешкотии во врска со преговорите за прекин на огнот во Појасот Газа.
„Нема одредена временска рамка за индиректни преговори“, рече Ал-Ансари.
Израелската влада претходно денеска го повлече својот преговарачки тим од индиректните разговори со Хамас во Доха, обвинувајќи ја палестинската група дека не е заинтересирана за продолжување на разговорите, откако наводно го отфрлила компромисот со посредство на САД.
Хамас вчера соопшти дека сè уште се држи до првичниот предлог направен пред две недели за прекин на огнот. Палестинската група рече дека одговорот на Израел на предлогот за прекин на огнот не ги исполнува палестинските барања.
Хамас бара прекин на израелската смртоносна офанзива на Појасот Газа и повлекување на израелските сили од територијата за каков било договор за размена на заложници и заробеници.
