Најмалку 12 Палестинци загинаа во нови израелски напади во различни делови на Појасот Газа.
Управата за цивилна одбрана во Газа соопшти дека телата на петмина Палестинци биле пронајдени по бомбардирањето на куќата на семејството Азам во Џабалија на северот на Газа.
Од Управата велат дека тимовите на цивилната одбрана продолжиле со операциите за пребарување и спасување за да стигнат до исчезнатите и заробените под урнатините.
Една жена и две деца загинаа како резултат на израелско бомбардирање на куќата на семејството Ал Хадад во улицата Ес-Селасини во јужниот дел на градот Газа.
Се вели дека тимовите за цивилна заштита имале потешкотии да ги извлечат телата на две лица кои беа убиени во истата куќа од урнатините.
Во вестите на официјалната палестинска агенција ВАФА, беше наведено дека во нападите на израелската армија врз градот Рафах на југот на Појасот Газа загинале двајца Палестинци.
Беше објавено дека дронови со квадкоптери кои припаѓаат на израелската војска целеле група Палестинци во кампот Ал-Џадид, кој се наоѓа северно од бегалскиот камп Нусејрат во центарот на Газа.
Се наведува дека во нападот се ранети многу Палестинци, главно деца. Во израелските напади врз Појасот Газа од 7 октомври минатата година, загинаа најмалку 41.272 Палестинци, меѓу кои најмалку 16.795 деца и 11.378 жени, а 95.551 лице се ранети.
