Агенцијата на Обединетите нации за помош и работа за палестинските бегалци на Блискиот Исток (УНРВА) соопшти дека во Газа „пристапот до чиста вода е прашање на живот и смрт“.
Палестинците чекаат во редици пред цистерните со вода.
„Во Газа секој ден е борба да се најде леб и вода. Секој ден е борба да се преживее“, објави УНРВА на мрежата X.
Агенцијата истакна дека „без безбедна вода, многу повеќе луѓе ќе умрат од болести и жед“.
Израел започна смртоносна офанзива на Појасот Газа по нападот на палестинската група Хамас на 7 октомври, при што загинаа најмалку 26.900 Палестинци, а 65.949 беа повредени.
Се верува дека во нападот на Хамас загинале речиси 1.200 Израелци.
Израелската офанзива остави 85 отсто од населението во Газа внатрешно раселено поради сериозен недостиг на храна, чиста вода и лекови, додека 60 отсто од инфраструктурата на енклавата е оштетена или уништена, стои во проценките на ОН.
