Рускиот претседател Владимир Путин изјави дека меѓународната трговија е во криза и дека Москва својот извоз и увоз го пренасочува на нови пазари.
Путин за време на состанокот со казахстанскиот колега Касим-Жомарт Токаев во Москва изјави дека во текот на 2021 година, трговската размена меѓу Русија и Казахстан се зголемила за речиси 35 отсто.
Тој напомена дека Русија останува еден од најголемите инвеститори во казахстанската економија, со обем на капиталните вложувања од речиси 17 милијарди долари.
„Повеќе од 30 големи инвестициски проекти се спроведуваат заеднички во сите клучни сектори на економијата“, рече Путин во обраќањето на Форумот за меѓурегионална соработка што се одржува денеска во Москва.
Токаев изјави дека Русија и Казахстан се способни да изградат „заемно корисна економска соработка“.
„Минатата година обемот на трговската размена меѓу нашите земји достигна нов рекорд од 24,5 милијарди долари“, рече Токаев, додавајќи дека извозот од Казахстан во руските региони се зголемил два и пол пати повеќе.
Претседателот на Казахстан, Касим-Жомарт Токаев, ја презеде функцијата во саботата по инаугурацијата во главниот град Астана. Токаев победи на предвремените претседателски избори во земјата во ноември, освојувајќи 81,31 отсто од гласовите.
