Јапонскиот град Фуџикавагучико постави голема мрежна бариера на популарното место за гледање на планината Фуџи во обид да го одврати зголемениот број туристи од фотографирање.
Најпознатата глетка во Јапонија може да се види со километри наоколу, но на локалното население во Фуџикавагучико им е преку глава од приливот на претежно странски посетители кои фрлаат отпадоци, навлегуваат во приватен имот и ги кршат сообраќајните правила во потрага по фотографија за споделување на социјалните мрежи.
„Паркирајќи незаконски и игнорирајќи ја забраната за пушење, тие се собираа на тротоарот за да ја фотографираат планината покриена со снег како фотогенично се издигнува на небото зад продавницата“, велат жителите.
Работниците почнаа да ја поставуваат црната мрежа од 2,5 на 20 метри во вторникот, а до доцна утрото тие веќе завршија, изјави репортер на АФП од местото на настанот.
„Се надевам дека мрежата ќе ги спречи овие опасни акции на туристите“, изјави за AФП жителот Мичи Мотомочи (41), кој води традиционална јапонска слаткарница.
„Мислам дека е разочарувачки што ја поставуваат. Се уште е култна сцена. Бевме овде синоќа, успеавме да ја снимиме последната снимка пред да го постават ѕидот, а имаше толку многу луѓе“, изјави Кристина Ројс (36), туристк од Нов Зеланд.
„Но таа одлука е сосема разбирлива. Прилично е опасно поради густиот сообраќај. Има и други места каде што можете да ја фотографирате планината“, објаснува туристката.
