Властите на шпанскиот град Малага ќе забранат нови краткорочни изнајмување станови на туристи во 43 градски населби, со цел да одговорат на револтот на жителите дека туризмот, кој е во пораст, ги зголемува цените на пазарот на недвижности.
Градот во јужна Шпанија на тој начин им се придружи на другите области во таа земја во сузбивањето на краткорочните изнајмувања на станови, вклучително и Барселона, која планира да ги укине дозволите за изнајмување станови на туристи до 2028 година, објави Ројтерс.
Жителите, кои протестираат против високите кирии и недостатокот на долгорочно снабдување со станови, ги обвинуваат краткорочните изнајмувања на платформите како Airbnb и Booking, како и приливот на странци кои ја избираат Малага како база за работа на далечина.
Забраната, објавена од градскиот совет на Малага, ќе биде насочена кон населбите каде што повеќе од осум отсто од сите куќи се издаваат на краткорочна основа, се наведува во соопштението.
Во центарот на Малага, краткотрајните одмори сочинуваат 65 отсто од вкупното туристичко сместување, покажува студијата спроведена од локалните власти.
Туристите кои престојуваат во хотели ќе бидат ослободени од даноци, што ќе бара спроведување на реформа на националното законодавство.
Во текот на изминатата деценија, Шпанија забележа пораст на побарувачката за изнајмување домови од мигранти и семејства со ниски приходи, според неодамнешните податоци на Банката на Шпанија.
Сепак, сопствениците често избираат да изнајмуваат на туристи поради подобрата заработка.
Малага има 14.000 хотелски легла и уште 40.000 во апартмани за одмор, изјави градоначалникот на градот, Франциско Де ла Торе.
