Со овогодинешното финале на Лигата на шампионите на УЕФА, Туркије и Истанбул втор пат беа домаќини на финалниот меч во најквалитетното европско клубско фудбалско натпреварување. Финалниот натпревар во Лигата на шампиони и во 2005 година беше одигран во Истанбул.
На финалето на Лигата на шампионите во 2005 година меѓу Ливерпул и Милан на Олимпискиот стадион Ататурк Ливерпул чудесно се врати по убедливото водство на Милан. Тоа придонесе настанот да биде наречен „Чудото од Истанбул“. Тоа се смета и за едно од најголемите финалиња во историјата на турнирот.
Поради одложувањата на Ковид-19, долгоочекуваното финале во 2023 година се одигра помеѓу Манчестер Сити и Милан на 10-ти јуни во Истанбул.
Еве зошто Истанбул претставува центар за фудбалските фанови од целиот свет и за какви било идни понуди за европските турнири во 2028 и 2032 година.
Безбедносните проверки и менаџирање со финалниот настан
Контингент од 15.000 безбедносни службеници беа распоредени за последниот натпревар од Лигата на шампионите.
„Имаше три до четири месеци подготовки. Преземени се сите мерки, особено во однос на безбедноста”, изјави гувернерот на Истанбул Давут Ѓул.
За време на настанот, безбедносниот тим на УЕФА работеше беспрекорно со властите домаќини, немаше штрајкови или проблеми со јавниот превоз за разлика од финалето на Лигата на шампионите во 2022 година во Париз. Беше забележан и гостопримливиот однос на турската полиција кон навивачите.
,„Апсолутно би сакале да победиме на наддавањето затоа што гледаме дека нашата земја е способна успешно да организира вакви настани од големи размери“, рече претседателот на Фудбалската федерација на Туркије, Мехмет Бујукекши.
Капацитет на Олимпискиот стадион Ататурк
Стадионот има капацитет од 72.000 седишта и неодамна беше реновиран. Со својот модерен и современ изглед, стадионот има 134 влезови и 148 излезни порти, кои, во случај на итност, им овозможуваат на гледачите да се евакуираат во рок од 7,5 минути.
Турската фудбалска федерација планира да го обнови и зголеми капацитетот на стадионот за следните понуди.
Транспортни мрежи
Транспортната мрежа на Истанбул беше добро тестирана во последниот натпревар во 2023 година.
Посебната линија на метро, со три возови го намали времето за патување за навивачите и ја обезбеди најбрзата и најдиректната рута до стадионот.
На денот на натпреварот имаше програма за бесплатен превоз. Имаше и бесплатни автобуси за да им помогнат на навивачите да се движат меѓу аеродромите, центарот на градот и фан зоните.
Аеродромот во Истанбул, рангиран во топ 10 на глобално ниво по бројот на меѓународни патници, им обезбеди широки капацитети на тимовите и навивачите по потреба. За да се олесни доаѓањето на навивачите, беа сместени дополнителни редовни и нередовни летови и чартер авиони од Италија и Велика Британија.
Туристички места и настани организирани за навивачите
Министерството и Турската агенција за промоција и развој на туризмот организираа различни настани за навивачите, преку платформата „Go Türkiye“.
Пред натпреварот, навивачите уживаа во четиридневниот „Фестивал на шампиони“ во просторот за настани Јеникапи, во кој различни тимови се натпреваруваа во 15-минутни натпревари како дел од забавната програма за фудбалските фанови. На настанот учествуваа и турските фудбалски легенди Хамит Алтинтоп, Арда Туран, Нури Шахин, Семих Шентурк и Окан Бурук.
Концерт за изразување солидарност со жртвите од земјотресите на 6 февруари беше завршниот настан на фестивалот на шампионите.
„Настанот е одличен. Досега сè беше совршено. Дојдов тука прилично лесно. Сè е организирано“, рече Габриел Додсон, кој доаѓа од САД.
Пред почетокот, навивачите имаа можност да го обиколат плоштадот Таксим за да го видат џиновскиот модел на трофејот на Лигата на шампионите на УЕФА што беше изложен за фотосесијата во четврток.
Истанбул како нов центар за меѓународни фудбалски турнири
Ентузијазмот на турскиот народ за турнирот, покрај шармот на Истанбул, обезбеди жива средина за љубителите на фудбалот од целиот свет.
Позицијата на Истанбул меѓу Европа и Азија, и неговата важност во поврзувањето на Европа со Блискиот Исток и Африка, претставува позитивен аспект не само за логистиката, туку и за проширувањето на европскиот фудбалски пазар.
Истанбул, кој претходно беше домаќин на финалето на УЕФА Суперкупот во 2019 година, докажа дека на градот може да му се довери управување со големи спортски настани.
Туркије е посветена и се докажа за следните кандидатури на ЕВРО 2028, ЕВРО 2032 и Светско првенство 2030 година.
„Ние веруваме дека 85-милионското население на Туркије, стадионите што ги изградивме во последните години и нашите инвестиции во инфраструктурата се од суштинско значење“, изјави Бујкекши.
