Повикувајќи се на неименувани извори, локалните либански медиуми јавуваат дека Израел го одредил 15 март како краен рок за политичко решение со Либан или актуелните гранични конфликти со Хезболах ќе прераснат во војна.
Весникот „Ал-Ахбар“ наведува дека Тел Авив им кажал на посредниците дека ќе влезе во целосна војна во Либан доколку до 15 март не биде постигнат договор за протерување на Хезболах од израелско-либанската граница.
Израелскиот министер за одбрана Јоав Галант вчера му рекол на американскиот специјален пратеник Амос Хохштајн дека прекуграничните судири со Хезболах може да го доближат Израел до одлука за воена акција во Либан.
Весникот „Ал-Ахбар“ пишува дека Хохштајн не верува дека прекуграничните конфликти меѓу Либан и Израел може да се запрат пред да се постигне договор за прекин на огнот во Појасот Газа.
Хохштајн во понеделникот рече дека прекинот на огнот во Појасот Газа не мора да ги запре прекуграничните судири меѓу израелската војска и Хезболах.
За овој медиумски извештај нема коментар од Хезболах или од либанските власти.
