Украина соопшти дека соборила 33 од 37 дронови на Русија над повеќе региони. Во соопштението на Украинските воздухопловни сили се тврди дека Русија лансирала противвоздушна наведувана ракета С-300, две наведувани ракети Кх-59 и 37 напаѓачки дронови во текот на ноќта во јужна и источна Украина.
Во соопштението понатаму се тврди дека 33 од 37-те дронови лансирани од Русија биле соборени над регионите Кировоград, Одеса, Херсон, Миколаев и Харков.
Гувернерот на Одеса, Олех Кипер, на Телеграм објави дека еден од нападите погодил и оштетил инфраструктурен објект во регионот, предизвикувајќи пожар. Истакнувајќи дека нема жртви, Кипер не даде дополнителни информации.
Гувернерот на Харков, Олех Синјехубов, изјави дека седум лица се повредени во градот Чухуив во напад со наведувана ракета С-300. Тој, исто така, соопшти дека две лица загинале поради гранатирање во градот Купијанск доцна синоќа.
Претходно Синјехубов прогласи задолжителна евакуација од одредени населби во близина на Купјанск.
Руските власти сè уште не се огласија по повод наводите, а независната проверка на тврдењата на Украина е тешка поради тековната војна.